Tematike
8 për qind më pak sulme raciste në Zvicër
Në numrin më të madh të rasteve, gjegjësisht në 96 sish, viktima kanë qenë zezakët. Në 68 raste sulmet ishin të drejtuara mbi myslimanët dhe njerëzit tjerë nga regjioni arab
Këshillimoret kundër racizmit në Zvicër gjatë vitit të kaluar kanë regjistruar 278 raste të racizmit, që është për 8 % më pak se në vitin 2017, i cili ishte vit rekord për nga numri i rasteve të raportuara.
Rastet më të shpeshta të diskriminimit kanë ndodhur në vendet e punës dhe në shkollë. Këtë e tregon raporti i publikuar sot i Komisionit Federal kundër Racizmit (EKR) dhe ai i shoqatës humanrights.ch. Raporti mbështetet në një hulumtim të ri të zhvilluar nga Zyra Federale për Statistikë (BFS), transmeton albinfo.ch.
Gjatë vitit 2018, abuzimet verbale dhe trajtimi i pabarabartë kanë qenë format më të shpeshta të diskriminimit, ndërsa në 34 raste është shënuar edhe përdorimi i dhunës.
Krahas vendit të punës dhe të mësimit, racizmi gjatë vitit të kaluar është vënë re para së gjithash në konfliktet ndërfqinjësore dhe ato të sferës së qiramarrjes. Në numrin më të madh të rasteve, gjegjësisht në 96 sish, viktima kanë qenë zezakët. Në 68 raste sulmet ishin të drejtuara mbi myslimanët dhe njerëzit tjerë nga regjioni arab, ndërsa në 45 raste bëhet fjalë për zviceranë të cilët janë konsideruar si “të huaj” dhe janë diskriminuar.
Fakti se është regjistruar numër më i vogël i rasteve të diskriminimit në krahasim me një vit më parë, sipas përgjegjësve të këshillimoreve, është mashtrues. Kjo, nga njëra anë shpjegohet me rënien e numrit të institucioneve (këshillimoreve) që kanë bërë raportimin e rasteve. Ndërsa nga ana tjetër, rastet e dokumentuara përbëjnë vetëm “majen e Asbergut”. Prandaj supozohet se numri më i madh i ekseseve raciste në Zvicër nuk është raportuar askund.
Megjithatë ose pikërisht për këtë, këshillimoret janë në mënyrë të qartë të nevojshme, shkruan kryetarja e EKR, Martine Brunschwig Graf. Ish deputetja nacionale nga radhët e FDP-së konsideron se fjalën tash e ka politika. Ajo duhet të kujdeset sidomos për aspektuin financiar të çështjes. Këshillimoret kanë nevojë për resurse që të mund të funksionojnë dhe ato duhet të jenë të dukshme për të qenë të frekuentuara.
Të tjera nga Tematike
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?