29 policë gjermanë u pezulluan për shpërndarjen e fotografive të Hitlerit

29 oficerë policie janë pezulluar në Gjermani për shpërndarjen e fotografive të Adolf Hitlerit dhe përshkrimet e doktrinat e refugjatëve në dhomat e gazit në celularët e tyre, thanë të mërkurën zyrtarët në Nordrhein-Westfalia (NRW).

Ata akuzohen gjithashtu për përdorimin e përmbajtjeve ekstremiste e simboleve naziste, që shkelin Kushtetutën gjermane.

Incidenti është i turpshëm për policinë gjermane dhe agjencitë e sigurisë, të cilët janë përballur me akuza se nuk kanë bërë sa duhet për të zbuluar nacionalistë potencialisht të dhunshëm në radhët e tyre.

Kjo është një çështje e ndjeshme në një vend ku ndërgjegjësimi për gjenocidin e Luftës së Dytë Botërore të miliona hebrenjve nga nazistët nën Hitlerin është i fortë.

“Ky është një turp për policinë e NRW”, tha ministri i Brendshëm i NRW Herbert Reul, duke njoftuar një hetim kundër 29 oficerëve.

“Unë jam i tmerruar dhe i turpëruar”, tha Frank Richter, shefi i forcës policore në qytetin e Essen, ku punonin shumica e të dyshuarve. “E vështirë të gjesh fjalë për të përshkruar këtë”, shkruan “Reuters”, përcjell albinfo.ch.