31-vjeçarja shqiptare vdes në një aksident tragjik në Rimini të Italisë

Corriere Della Sera

Një 31-vjeçare shqiptare është përplasur për vdekje nga një makinë në Rimini të Italisë, ndërsa shoqja e saj 21-vjeçare ka mbetur e plagosur.

Ngjarja ka ndodhur mbrëmjen e së shtunës, ku e reja, identiteti i së cilës nuk është i ditur ende, ka qenë në shoqërinë e një 21-vjeçareje me origjinë indiane dhe të dyja, duke ecur anash në rrugë, janë përplasur nga makina, transmeton A2, përcjell albinfo.ch.

31-vjeçarja shqiptare ka ndërruar jetë në vend, ndërkohë e reja indiane ndodhet në spital në gjendje të rëndë, por jashtë rrezikut për jetën.

Policia italiane ka arrestuar drejtuesin e mjetit, i cili gjatë deklaratës së tij ka thënë se nuk i ka parë. Sipas mediave italiane, ai është rreth 60 vjeç dhe ishte duke shoqëruar një të afërm në spital. Policia po punon për zbardhjen e plotë të ngjarjes.