5 persona të kthyer nga Italia në Shqipëri u nënshtrohen analizave

6 personave të testuar më parë u janë përsëritur analizat

24 orët e fundit 5 persona të kthyer nga Italia me shenja të infeksionit në rrugët e frymëmarrjes, të dyshuar për koronavirus, kanë rezultuar negativ.

Shqipëria sipas Përgjegjëses se Departamentit të Epidemiologjisë dhe Kontrollit të Sëmundjeve Infektive në Institutin e Shëndetit Publik, Silva Bino, nuk ka asnjë rast të prekur me Covid 19.

Nga 58 persona të testuar në total, analizat laboratorike janë përsëritur në 6 prej tyre.

Por vendi vijon të jetë në sezon gripi, simptomat e të cilit janë të ngjashme me ato të virusi të ri korona.

Për këtë specialistët e shëndetësisë kanë vendosur të zgjerojnë gamën e personave që do t’u nënshtrohen analizave laboratorike dhe për Covid 19.

Spitalet për trajtimin e rastit të parë me koronaviurs, sipas Ministrisë së Shëndetësisë janë bërë gati, ndërkohë që është përcaktuar dhe protokolli për menaxhimin klinik të pacientëve, raporton abc.

Përgjatë 24 orëve 41 persona të kthyer nga vendet e prekura me Covid 19, të cilët kanë telefonuar Urgjencën Kombëtare janë vlerësuar për infeksionet virale respiratore dhe u është sugjeruar izolimi në shtëpi për një periudhë 2 javore.

---