Lajme
6 qen ngordhin nga “algat e kaltra”, mbyllen disa plazhe në liqenin Neuchâtel
Ndalimi i larjes në pjesën e prekur të bregut të liqenit, zbatohet menjëherë. Si masë paraprake, policia e Neuchâtel-it ka evakuar qysh të enjten në mbrëmje njerëzit në disa plazhe
Kantoni i Neuchâtel-it ka mbyllur disa plazhe banje midis grykëderdhjes së lumit Areuse dhe Kolombier-it pasi që më parë, gjashtë qen kanë ngordhur pas larjes në Liqenin Neuchâtel, shkruan srf.ch.
Besohet se kafshët kanë pësuar nga cianobakteret, të cilat gjithashtu mund të rrezikojnë edhe shëndetin e njeriut, thonë në policinë kantonale
Cianobakteriet njihen gjerësisht si algat e kaltra, transmeton albinfo.ch. Analiza shkencore është ende në pritje por autoritetet këshillojnë kundër larjes në të gjithë Liqenin Neuchâtel.
Ndalimi i larjes në pjesën e prekur të bregut të liqenit, zbatohet menjëherë. Si masë paraprake, policia e Neuchâtel-it ka evakuar qysh të enjten në mbrëmje njerëzit në plazhet në mes të grykës së lumit Areuse dhe lokalitetit Colombier.
Për momentin, nuk janë regjistruar raste të reja të ngordhjes së kafshëve rreth liqenit, përcjell albinfo.ch. Megjithatë, larja në Liqenin Neuchâtel nuk rekomandohet derisa të jenë në dispozicion rezultatet e plota të analizave. Këto rezultate duhet të jenë të disponueshme gjatë ditës së premte (sot), thuhet në komun ikatën e policisë.
Cianobakteret zhvillohen kryesisht në ujëra të ndenjura, si liqene dhe këneta. Ata formojnë një masë xhelatinoze dhe notojnë mbi sipërfaqe të ujit. Ngjyrat mund të ndryshojnë. Nëse gëlltiten, shkaktojnë helmime, transmeton albinfo.ch. Temperaturat e larta favorizojnë përhapjen e tyre.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit