67 për qind e gjermanëve duan të vaksinohen

Optimizmi se Gjermania do të dalë mirë nga kriza mbetet i padiskutueshëm: 73 për qind janë optimistë ndërsa 22 për qind, skeptikë

Sipas një studimi, në Gjermani ka një rritje të gatishmërisë së qyetarëve për t`u vaksinuar. Sondazhi “Politbarometer” i ZDF ka ardhur në përfundimin se dy të tretat e popullsisë (67 për qind) tani dëshirojnë të vaksinohen, transmeton albinfo.ch.

Në fund të nëntorit ishte vetëm gjysma (51 për qind).

Dhjetë për qind thonë se nuk dëshironin të vaksinoheshin (20 për qind të tillë ishin në fund të nëntorit). Nga ana tjetër, janë shtuar kritikat ndaj procesit të vaksinimit janë rritur.

58 për qind janë mjaft të pakënaqur me kursin e deritanishëm të këtij procesi.  36 për qind janë të kënaqur. Por, optimizmi se Gjermania do të dalë mirë nga kriza mbetet i padiskutueshëm: 73 për qind janë optimistë ndërsa 22 për qind, skeptikë.

Përveç kësaj, është regjistruar mbështetje në rritje për kufizimet që frenojnë pandeminë e koronës. Pas ashpërsimit të bërë në dhjetor, një shumicë prej 51 për qind (plus 16 për qind krahasuar me fillimin e dhjetorit) është e mendimit se masat e zbatueshme aktualisht janë të drejta, përcjell albinfo.ch.

Vetëm 28 për qind (minus 21) ishin në fillim të dhjetorit pro shtrëngimit. 18 përqind (plus 5) e quanin atë të tepruar.

---