Një tjetër sukses i violinistit Alban Pengili

Një koncert madhështor në prag të festës së Krishtlindjes, në bashkëpunim me Musica Camerata dhe forumin kulturor KAKTuS, u mbajt të shtunën  për abonuesit e  “Kapitalsaal koncert auf der Burg”, në Lüdinghausen të Gjermanisë.

Orkestra e Musica Camerata, nën drejtimin e dirigjentit Hans Georg Jaroslawski, ofroi një program të pasur dhe të shkëlqyeshëm, nga ku edhe salla ishte e mbushur përplot me dashamirë të muzikës klasike.

Në këtë koncert me një tjetër sukses u paraqit edhe violinisti i njohur shqiptar në Gjermani, Alban Pengili.
Pengili ishte i ftuar për të luajtur veprat e Johannn Sebastian Bach-ut dhe po ashtu këtë natë ai ka dhuruar entuziazëm para publikut, duke luajtur edhe “Katër stinët” nga Antonio Vivaldi.

Pengili ka përfunduar shkëlqyeshëm studimet në Tiranë dhe në Folkwang-Hochschule të Essenit dhe nga viti 2001 është pedagog në shkollat e muzikës në Lüdinghausen dhe Bottrop.
.