Tematike
Natyralizim i lehtësuar për të huajt në partneritet të gjinisë së njëjtë
Pasi që partneriteti brenda gjinisë së njëjtë në shumë segmente të tjera është barazuar me partneritetin mbi bazën e kurorës, është shfaqur nevoja që ky barazim të shtrihet edhe te natyralizimi
Shtetasit e huaj të cilët me një shtetas zviceran jetojnë në partneritet të gjinisë së njëjtë nuk do të dëmtohen më në procedurën e natyralizimit në krahasim me ata/ato që jetojnë në partneritet të kurorës (çifte të martuara).
Këshilli Federal, në një qëndrim të publikuar sot ka mbështetur propozimin e Komisionit për Politika Shtetërore të Dhomës Nacionale të Parlamentit (SPK-N) për zbatimin e pesë iniciativave parlamentare të ngjashme për «barazimin e partneritetit të regjistruar me atë të kurorëzuar, në procedurën e natyralizimit».
SPK-N, më 5 nëntor 2015 kishte përgatitur draftin për jetësimin e iniciativave të përmendura parlamentare dhe i kishte apeluar Këshillit Federal për të marrë një qëndrim, thuhet në një komunikatë të Sekretariatit Shtetüeror për Migracion (SEM).
Drafti përmban një propozim për rishikimin e Kushtetutës Federale. Me këtë rishikim, autoritetet federale do të fitonin edhe kompetencën për të rregulluar në mënyrë të unifikuar si fitimin ashtu dhe humbjen e të drejtës së shtetësisë për martesat brenda një gjinie. Mbi bazën e këtij ndryshimi kushtetues do të duhet të bëhet edhe përshtatja e Ligjit mbi Natyralizimin. Në këtë mënyrë në të ardhmen, rregullat për natyralizimin e bashkëshortit ose bashkëshortes së një zvicerani/je do të vlejnë njësoj edhe për partnerët e gjinisë së njëjtë.
Mbështetje nga Këshilli Federal
Këshilli Federal mbështet kërkesën bazë të iniciativave parlamanetare dhe kërkesën e bërë nga SPK-N për rishikimin e kushtetutës dhe ligjit. Trajtimi jo i barabartë që në bazë të së drejtës në fuqi u bëhet personave shtetas të huaj në partneritet (me shtetas zviceranë) të gjinisë së njëjtë në krahasim me partnerët martesorë në procedurën e natyralizimit, është i pajustifukueshëm.
Pasi që partneriteti brenda gjinisë së njëjtë në shumë segmente të tjera është barazuar me partneritetin mbi bazën e kurorës, është shfaqur nevoja që ky barazim të shtrihet edhe te natyralizimi, thuhet në fund të komunikatës së SEM (Sekretariati Shtetëror për Migracion).
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Shtim i rasteve të sulmeve ndaj infermierëve në Zvicër Dhuna po përshkallëzohet gjithnjë e më shumë në spitalet dhe klinikat zvicerane, raporton “SonntagsBlick”. Sipas një...
-
Bllokime të reja trafiku përpara tunelit Gotthard
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë