Shqipëria në kërkim të talentëve të futbollit në Zvicër

Federata Shqiptare e Futbollit ka bërë të ditur edhe orarin e seleksionimeve për grupmoshat e reja që në të ardhmen mund të jenë pjesë e kuqezinjëve.

Federata Shqiptare e Futbollit teston talentet më 9 janar në Cyrih të Zvicrës.

Seleksionimet filluan në Selanikë të Greqisë. Këto seleksionime, që kanë nisur sot do të vazhdojnë përgjatë gjithë muajit janar sipas një grafiku të përcaktuar nga Sektori i Ekipeve Kombëtare, shkruan albinfo.ch.

Në seleksionimin e sotëm morën pjesë për datëlindjen 2000-2001, 31 futbollistë. Ndërsa për datëlindjen 1998-1999, kishte 38 futbollistë.

Sipas informacionit që ka dhënë për faqen zyrtare të FSHF, Denis Lilo, nga Drejtoria e Ekipeve Kombetare, nesër grupi i specialistëve seleksionues, do të zhvendoset në Athinë ku për dy ditë me radhë, do të vazhdohet me pjesën tjetër të futbollistëve kandidatë nga Greqia.

Seleksionimet do të vazhdojnë më 9 janar në Cyrih dhe 11 janar në Verona.