Berna ua lehtëson azilkërkuesve qasjen në tregun e punës

Edhe pse kjo është kompetencë e federatës dhe e kantonit, asambleja ka votuar me një shumicë dërmuese pro mocionit

Asambleja e Qytetit të Bernës ka miratuar një mocion i cili kërkon që azilkërkuesit të integrohen më mirë dhe më shpejt në tregun e punës. Ndonëse kjo është në radhë të parë kompetencë e federatës dhe e kantonit, asambleja ka votuar te enjten me një shumicë dërmuese pro mocionit, gjegjësisht me 53 vota pro dhe 12 kundër, shkuan nzz.ch.

Mocioni i bërë me emergjencë nga radhët e SP, GFL/EVP, GLP, BDP dhe CVP kërkon nga ekzekutivi i qytetit të përpunojë një koncept për format e mundshme të punësimit, në mënyrë që të realizohet një «hap i guximshëm por frytdhënës për integrimin e refugjatëve».

Qeveria e qytetit është treguar e gatshme për të shfrytëzuar hapësirëgn e saj të veprimit. Sipas përgjegjëses për integrim në ekzekutivin e Bernës, Franziska Teuscher aktualisht pritet të përpunohen masat e nevojshme në këtë drejtim. Në fokus janë modulet etrajnimit si kurset e gjuhëss, për të përmirësuar kompetencat bazike për qasjen në tregun e punës.

SVP, duke e hedhur poshtë këtë mocion si e vetmja parti në asamble, ka thënë se ajo çfarë kërkohet është në kompetencë të federatës dhe të kantonit. Te shumica e refugjatëve është edh ashtu fjala për «migrantë ilegalë ekonomikë», të cilët duhet ta lëshojnë Zvicrën sa më shüejt që është e mundur, ka thënë Erich Hess në emrin e fraksionit të kësaj partie.