8 vjet e gjysmë burg për shqiptarin që vrau izraelitin: Nuk kishte motive antisemitiste

Gjyqtari: "Është e sigurt se kjo nuk ka pasur të bëjë me motive antismitiste dhe as me faktin se izraeliti ka qenë homoseksual"

Sot ka përfunduar procesi gjyqësor ndaj shqiptarit Fation D. (28 vjeç) për vrasjen e të riut 22 vjeçar nga Izraeli, Yosi D. Shqiptari është dënuar me 8 vjet e gjysmë burg për goditje vdekjeprurëse. Kufoma e viktimës ishte gjetur në prill të vitit të kaluar në rrënojat e një manastiri në Berlin, shkruan berlinerexpress.de

Një takim i rastësishëm në një bujtinë të Berlinit kishte përfunduar tragjikisht për izraelitin.

Gjyqtari ka përshkruar rrjedhën e krimit kështu: «Së pari Fationi e ka ngufatur Yosi D, pastaj pasi e ka rrëzuar përtokë, e ka goditur atë disa herë me një objekt të fortë, në mënyrë brutale, transmeton albinfo.ch. Motivi i vrasjes mbetet i paqartë.

Yosi D. kishte afër muaj që po qëndronte në Gjermani si turist dhe paratë e tij pothuajse i kishn mbaruar. Të dielën e Pashkëve do të fluturonte mbrapa, në Izrael. Nga aa tjetër Fationi jetonte që nga mosha 13 vjeçare në SHBA. Në Gjermani kishte ardhur pas një oferte pune në Hard Rock Cafe të Berlinit.

Ata ë dy kishin prenotuar hotelin e njëjtë në Berlin dhe rastësisht ishin vendosur në bujtinën e njëjtë, në dhomüen me tetë shtretër. Pastaj filloi konsumimi i alkoolit. Të hënën e Pashkëve ata dolën bashkë dhe shkuan të vazhdonin dehjen te rrënojat e manastirit.

Nuk dihet për ç`arsye shkërtheu sherri mes tyre», ka thënë gjyqtari. Por, ka shtuar ai, është e sigurt se kjo nuk ka pasur të bëjë me motive antismitiste dhe as me faktin se izraeliti ka qenë homoseksual. Ka pasur spekulime se Fationi në një bisedë telefonike me një kusheri të tij është shprehur me përçmim lidhur me homoseksualin Yosi, përcjell albinfo.ch. Por, ai ka perdorur vetëm një sharje të zakonshme. Fationi ka pranuar dhe ka sqaruar se viktima e kishte provokuar.