Sot nga ora 13.30 bëhet testimi i sirenave në gjithë Zvicrën

Nëse sot, nga ora 13.30 do të dëgjoni sirena gjithandej, mos u shqetësoni: soz, më 3 shkurt 2016 në gjithë Zvicrën bëhet testimi i sirenave. Me këtë rast pritet të kontrollohet funksionimi i gjithsej 7800 sirenave në gjithë vendin, bën të ditur Zyra Federale për Mbrojtje të Popullatës (Babs).

Ne mes të orës 13.30 dhe 14.00 do të provohet alarmi i përgjithshëm që zgjat një minutë, njofton srf.ch. Ndërsa nga ora 14.15 deri në orën 15.00 do të büehet testimi i «alarmit të ujërave» në vendet me rrezik të shtuar, në regjionet nën pendat e liqeneve.

Babs porosit qytetarët se nuk duhet të ndërmarrjn asgjë lidhur me këto testime. Ndërkaq, nëse do të ketë alarm jashtë kësaj kohe të përmendur, ata duhet të dëgjojnë radion, t`i përcjellin udhëzimet e autoriteteve dhe të inormojnë fqinjët.