Rritet ekonomia gjermane

Ekonomia gjermane u rrit me 0.3 për qind në tremujorin e katërt të vitit të kaluar.

 Prodhimi i brendshëm bruto i Gjermanisë (GDP) u rrit me 0.3 për qind nga tetori deri në fund të dhjetorit 2015, e cila është në të njëjtën shkallë të rritjes si në tremujorin e mëparshëm, thuhet në një njoftim të Destatis, përcjell AFP.

Pas rritjes së GDP-së prej 0.4 për qind në tremujorin e parë dhe të dytë, ekonomia gjermane u rrit me 0.3 për qind në tremujorin e tretë dhe të katërt, thonë statisticienët, duke konfirmuar vlerësim paraprak të lëshuar muajin e kaluar.

Destatis vuri në dukje se impulset pozitive kanë origjinën kryesisht nga kërkesat e brendshme.

Shpenzimet e shtetit u rritën, ndërkohë që konsumi familjar ka shënuar një rritje modeste.

“Më e rëndësishme është se investimi kishte një lëvizje pozitive në sektorin e ndërtimit në tremujorin e tretë”, deklaroi zyra statistikore, përcjell albinfo.ch.