Ministri gjerman, ultimatum BE-së për krizën e refugjatëve

Maiziere ka thënë se dy javët e adhshme janë vendimtare. Të gjitha vendet janë të pajtimit se kufiri i jashtëm i BE-së me Turqinë ka prioritet

Ministri gjerman i punëve të brendshme, Thomas de Maiziere ka ngritur presionin mbi shtetet tjera të BE-së në kuadrin e debatit konfliktuoz lidhur me krizën e refugjatëve. Ai madje ka shpallur një ultimatum prej 14 ditësh të cilit duhet t`i përmbahen shtetet në fjalë, për të përmbushur masat për të cilat janë marrë vesh për tejkalimin e krizës së refugjatëve.

Në emisionin e televizionit publik ARD “Bericht aus Berlin”, Maiziere ka thënë se dy javët e adhshme janë vendimtare. Të gjitha vendet janë të pajtimit se kufiri i jashtëm i BE-së me Turqinë ka prioritet. Dhe kjo nënkupton që angazhimi i Frontex-it, i NATO-s të shkojë në drejtim të kthimit të refugjatëve drejt Turqisë.

Në dy javët në vijim do të tregohet se sa efektive do të jenë këto masa. Ndryshe, duhet menduar për masa të tjera “evropiane”, ka thënë ministri gjerman. Në një rast të tillë duhet që mbrojtja e zonës së Shengenit të bëhet në kufij të tjerë.