Mbyllja e rrugës ballkanike ul shumë numrin e refugjatëve

Në Gjermani, pas mbylljes së «rrugës ballkanike»të refugjatëve gjatë këtij muaji po vijnë dukshëm më pak refugjatë se gjatë muajve të kaluar. Kështu, deri në mes të muajit mars në këtë vend kanë hyrë gjihsej 3708 migrantë, bën të ditur Policia Federale. Mesatarisht në ditë kanë hyrë 247 refugjatë.

Ndërsa të martën në gjithë Gjermaninë kanë hyrë ilegalisht vetëm 83 veta, nga të cilët 41 vetëm në Bavari, ka bërë të ditur një zëdhënës i autoriteteve përkatëse në Potsdam. Kjo ishte shkalla më e ulëtt në këtë vit.

Në Bavari gjatë muajit mars kanë ardhur deri tash 3023 migrantë, gjegjësisht rreth 200 në ditë.