Shumicë solide pro iniciativës për ndalimin e armëve

52 për qind janë shprehur për ndalimin e mbajtjes së armëve në shtëpi, kërkesë kjo e iniciativës që votohet më 13 shkurt

Sondazhi i radhës i bërë me qytetarë zviceranë me të drejtë vote lidhur me “iniciativën e mbrojtjes nga dhuna e armëve”, ka nxjerrë një shumicë solide që do të votonin pro iniciativës.

52 për qind të të anketuarve janë shprehur në të mirë të ndalimit të mbajtjes së armëve në shtëpi, që është njëra ndër kërkesat e iniciativës për të cilën zviceranët do të votojnë në referendumin e 13 shkurtit.

39 për qind kundërshtojnë iniciativën ndërsa 9 për qind tregohen të pavendosur.

Përqindja e mbështetësve të iniciativës është dukshëm më e lartë në mesin e femrave, shkruan 20Minuten.ch. 67% të tyre janë pro iniciativës dhe vetëm 27% kundër.

Meshkujt po ashtu do të votonin pro iniciativës por me një epërsi më të vogël. 51% të tyre janë për dhe 44% kundër.

Sondazhi është realizuar nga Instituti për Hulumtimin e Opinionit gfs Bern, me porosi nga SRG SSR me 1214 të anketuar në mes të datave 3 dhe 8 janar.