Calmy-Rey i dërgon letër Jakup Krasniqit

Me rastin e trevjetorit të pavarësisë së Kosovës, presidentja e Zvicrës, Micheline Calmy-Rey, i ka dërguar letër urimi presidentit në detyrë të Kosovës, z. Jakup Krasniqi.

“Me rastin e Ditës Kombëtare të Republikës së Kosovës është një nder i veçantë për mua t’ ju përcjell juve, Qeverisë si dhe popullit të Kosovës urimet e sinqerta të Këshillit Federal Zviceran si dhe përshëndetjet më të mira për prosperitetin e Kosovës si dhe mirëqenie në vitin që vjen”, thuhet në letër.

Presidentja e Konfederatës zvicerane përfundon letrën duke shprehur besimin e saj në “lidhjet si dhe miqësinë që gëzojnë vendet tona, lidhje që do të vazhdojmë t’ i intensifikojmë në të ardhmen”.