Kukeli i Zürichut fiton Kupën, por lëndohet

Në ndeshjen finale, Zurichu i Kukelit arriti të fitonte 1:0 përballë Luganos së Frederik Veselit

Mesfushori i Kombëtares shqiptare, Burim Kukeli ka pasur një lëndim të rëndë dhe është dashur që në minutën e 16-të të lëshojë fushën. Kukeli pësoi çarje në kokë, gjatë një dueli me sulmuesin e Luganos, Bottani që e goditi me shpatull, shkruan albinfo.ch.

Mesfushori i Kombëtares shqiptare mori ndihmën e shpejtë, me stafin mjekësor që i fashoi kokën, por prej dëmtimit e kishte të pamundur të vazhdonte lojën.

Në ndeshjen finale, Zurichu i Kukelit arriti të fitonte 1:0 përballë Luganos së Frederik Veselit. Kështu Zurichu do të luajë edicionin e ardhshëm në Ligën e Evropës, edhe pse kanë rënë nga Superliga zvicerane. Pjesë e Zurichut është edhe Armando Sadiku, i cili ishte i huazuar në Vaduz.