Ardian Bujupi kalon në top dhjetësh

I riu nga Kosova, 19 vjeçari Ardian Bujupi, ka kaluar edhe barrierën e fundit në garën për talente “Deuchland Sucht den SuperStar"DSDS

Talenti kosovar ka hyrë në top dhjetëshin e finalistëve. Ai më zërin e tij ka mahnitur edhe këtë herë jurinë dhe publikun gjerman.

Ne edicionin e fundit te garës për talente, qe u zhvillua këtë fundjavë, Ardiani kaloi edhe një fazë për të qenë më afër finales, falë jurisë, e cila këtë herë e vlerësoi maksimalisht Ardianin.

Këtë herë ka ndryshuar sjellja e Dieter Bohlen, i cili më herët kishte pasur kritika nda djalit nga Kosova, duke thënë se ka njohuri të vogla të gramatikës gjermane, gjë që, sipas tij, shihet gjatë këndimit të këngës së tij.

Për këtë entuziazëm të tij, juria e shpërbleu me një „PO” të menjëhershme dhe bindëse duke bërë edhe më të realizueshme ëndrrën e Ardianit që të bëhet yll i muzikës në Gjermani.

I riu nga Kosova jeton në Haidelberg të Gjermanisë dhe ëndërr e tij është të bëhet yll i muzikës.

Ardiani kështu bëhet shqiptari i tretë që shkon në finale të Supertalent, pasi që më herët këtë e kishte arritur Venessa Krasniqi dhe një djalosh i vogël nga Peja, Duri Krasniqi.