Xhemaili optimist për sukseset me Zvicrën

“Rallë kam parë grup të mirë organizuar si ne. Ne bëjmë shaka dhe qëndrojmë së bashku”, deklaroi Xhemaili

Mesfushori i Përfaqësueses zviceriane, Blerim Xhemaili është shprehur shumë i kënaqur me atmosferën në ekipin e helvetikëve dhe beson se do të kenë suksese edhe në Francë. Kështu ka thënë mesfushori shqiptar për “Blick.ch”, përcjell albinfo.ch.

“Besoj se arma më e fortë e jona është puna në grup sepse ne nuk kemi grup të vogël”, deklaroi në fillim Xhemaili.

Ai thotë se bëjnë shumë shaka në ekipin kombëtar. “Rallë kam parë grup të mirë organizuar si ne. Ne bëjmë shaka dhe qëndrojmë së bashku”, theksoi mesfushori i Genoas.

“Nuk na intereson kush është më i rëndësishëm dhe hierarkia, por që kombëtarja të ecë sa më përpara,” thotë 30-vjeçari. Për të do të jetë Evropiani i parë me Zvicrën.