Qeveria miraton Raportin për Migracionin, 2015

Marrëdhëniet me Kosovën, Bosnjë e Hercegovinën dhe Serbinë në kuadrin e partneriteteve migracionale përshkruhen si shembullore. "Ato kanë kontribuuar që Zvicra të mund të ndihmojë shpejt dhe në mënyrë efikase këto vende në përballimin me sfidat e reja"

Këshilli Federal ka miratuar sot një raport në lidhje me aktivitetet e politikës zvicerane të migracionit për vitin 2015. Ky raport vjetor karakterizohet nga intensifikimi i konflikteve në Siri dhe në Irak, konflikte këto të cilat kanë bërë në masë të madhe që të rritet numri i kërkesave të azilit në Zvicër.

Zvicra gjatë vitit 2015 është angazhuar fuqishëm në regjionet e krizës dhe përpiqet për ofrimin e ndihmave humanitare në vendin e ngjarjes, për bashkëpunim afatgjatë në sferën e zhvillimit dhe për zgjidhje të qëndrueshme. Ndërsa një sukses në rrafshin ndërkombëtar mund të realizohet me pranimin e programit “Agenda 2030”, thuhet në një komunikatë të qeverisë.

Më tutje në raport, marrëdhëniet me Kosovën, Bosnjë e Hercegovinën dhe Serbinë në kuadrin e partneriteteve migracionale përshkruhen si shembullore, transmeton albinfo.ch. Ato kanë kontribuuar që Zvicra të mund të ndihmojë shpejt dhe në mënyrë efikase këto vende në përballimin me sfidat e reja.

Po ashtu është shënuar një intensifikim i madh me Bashkimin Evropian dhe shtetet e veçanta të tij, në sferën e migracionit. Kështu Zvicra, veç të tjerave, ka vendosur vullnetarisht që të jetë pjesëmarrëse në ndarjen e kontingjenteve të refugjatëve të regjistruar në Itali dhe në Greqi.

Sa i përket ofrimit të ndihmës në vendin e ngjarjes, angazhimi i Zvicrës gjatë vitit 2015 ka qenë meritor në kërkimin e zgjidhjeve politike për konfliktet si ai në Irak, Siri etj. Gjegjësisht për mbrojtjen e refugjatëve.

Një sukses tjetër në rrafshin ndërkombëtar mund të realizohet me pranimin e programit “Agenda 2030”, përfundon komunikata e qeverisë.