Bastisje të reja në FIFA

Autoritetet zvicerane kanë kryer një tjetër bastisje në selinë e Federatës Botërore të Futbollit (FIFA) në Cyrih duke konfiskuar dokumentet dhe informatata elektronike në lidhje me hetimin e tyre për korrupsion.

“Si pjesë e një hetimi kundër ish-drejtuesve të FIFA-s, Prokurori i Përgjithshëm i Zvicrës kishte urdhëruar bastisje në selinë e FIFA-s, më 2 qershor 2016, për të vërtetuar gjetjet ekzistuese dhe për të gjetur informacione të reja.”, thuhet në një deklaratë nga Zyra e Prokurorit të Përgjithshëm të Zvicrës.

Ata thonë se presidenti i ri i FIFA-s, Gianni Infantino nuk është nën ndonjë hetim, por njerëzit e akuzuar më parë, që janë të përfshirë edhe në një skandal të madh korrupsioni që tronditi federatën botërore të futbollit.