100 mijë veta festojnë hapjen e tunelit më të gjatë në botë

Festa do të zgjasë deri në mbrëmjen e të dielës dhe deri atëherë pritet të festojnë rreth 100 mijë qytetarë, në pikat: Erstfeld, Rynächt, Pollegio dhe Biasca

Pesë ditë pas përurimit zyrtar, festës së hapjes së tunelit të shekullit, siç quhet ndryshe tuneli bazik në Gotthard, sot i bashkohet edhe populli. Janë katër pika në të dy anët e tunelit në të cilat ka filluar të festohet, njoftojnë mediat zvicerane.

Dy qendra ku zhvillohen aktivitete festive ndodhen në kantonin Uri, në anën veriore të tunelit, dhe dy të tjera në Kantonin Ticino, në anën jugore.

Sipas një zëdhënësi të SBB/CFF (Ndërmarrja Hekurudhore Federale) mund të flitet për disa mijëra vizitorë të këtyre manifestimeve, transmeton albinfo.ch

Festa do të zgjasë deri në mbrëmjen e të dielës dhe deri atëherë pritet të festojnë rreth 100 mijë qytetarë, në pikat: Erstfeld, Rynächt, Pollegio dhe Biasca.

Më të vizituarat janë vozitjet “shuttle” nëpër tunelin më të gjatë hekurudhor në botë. Gjatë gjithë kohës në dy ditët festive, trenat qarkullojnë në takt 20 minutash. Veç tjerash për vizitorët janë hapur ekspozita dhe ofrohen shfaqje të ndryshme kulturore e muzikore