Kritikohet modelistja Lushtaku, bën tifo edhe për Natin, edhe për Kombëtaren

Sot në Lens të Francës luhet ndeshja e radhës e Kampionatit Evropian Franca 2016, ku kombëtarja shqiptare do të përballet me atë të Zvicrës.

Ky takim i shumëpërfolur i Evropianit sërish ka nxitur debatet te shqiptarët se të bësh tifo për Zvicrën, nuk guxon të bësh edhe për Shqipërinë, apo anasjelltas.

Në siklet janë vënë edhe personalitetet publike, artistët dhe modelistet.

Me kritikat pse është për Zvicrën, e jo për Shqipërinë, dhe pse duhet të ndajë zemrën për të dy kombëtaret, ishte përballur edhe Heidi Lushtaku, modelistja e njohur shqiptare në Zvicër.

Ajo ishte bombarduar me mesazhe pas intervistës në gazetën LeMatin.ch dhe forografinë ekskluzive për ballinën e magazinës albinfo.ch.

„Sigurisht që jam shumë krenare që jam nga Kosova dhe unë gjithmonë e them shumë qartë. Por ,Zvicra është vendi që më pranoi mua kur u largova nga Kosova për shkak të luftës dhe pa të cilën unë nuk do të kisha gjasa të jem këtu ku jam sot. Zvicra është vendi im, i cili më ka lejuar të studioj në paqe dhe të bëhem dikushi. E gjej veten me fat në këtë përzierje kulturore dhe jam tepër mirënjohëse dhe krenare për kombësinë time në Zvicër“, thonë Lushtaku, përcjell albinfo.ch.

„Nëse më pyetni të zgjedh mes Zvicrës dhe Shqipërisë, është si të më kërkojnë të bëj ndarjen ndërmjet nënës dhe babait tim, është e pamundur për mua!“, thotë Lushtaku.