E-Diaspora

Brenda një viti, kosovari kryen 31 vepra penale në Zvicër

E martë, 12 Korrik 2016 - 16:20 albinfo.ch

Një kosovar 21-vjeçar akuzohet se brenda një viti ka kryer 31 vepra penale. Sipas policisë së kanton Schwyz, i dyshuari këto krime i ka kryer gjatë periudhës shkurt 2015 dhe janar 2016 në kantonet Schwyz dhe Zurich, përcjell albinfo.ch.

Kosovari akuzohet për vjedhje të veturave të përdorura, për vjedhje dhe keqpërdorim të kartelave bankare. Përveç kësaj, ai fajësohet edhe për vepra penale të narkotikëve. Shuma e krimeve që ai ka bërë, sipas policisë zvicerane, është mbi 20.000 franga.

I akuzuara aktualisht gjendet në burg. Zyra e migracionit nuk ia ka vazhduar lejen e qëndrimit në Zvicër. Pas vuajtjes së dënimit, ai duhet të largohet nga Zvicra.

Albinfo.ch