Amnesty International: Kritika Zvicrës për gjuhë diskriminuese

AI ka kritikuar Zvicrën për krijimin e një “klime armiqësore kundrejt të drejtave të njeriut”

Amnesty International, në Kuvendin e Përgjithshëm të saj, të mbajtur dje në Soloturn ka drejtuar kritika mbi Zvicrën për “krijimin e një klime armiqësore kundrejt të drejtave të njeriut”.

Organizata e njohur humanitare, me këtë rast u ka bërë thirrje të gjitha partive dhe politikanëve që gjatë fushatave të tyre zgjedhore të heqin dorë nga shprehjet dhe sloganet diskriminuese dhe të drejtuara kundër të huajve.

Amnesty International po ashtu kërkon nga Qeveria federale që të mbështesë aktivisht procesin e demokratizimit në Afrikë të Veriut dhe në Lindjen e Afërme, njofton portali drs.ch. Në këtë proces, sipas AI-së bën pjesë edhe një politikë azili, që nuk mbështetet në izolim.