Goli i Gashit, më i bukuri i javës në Amerikë

Gjuajtja e tij e fuqishme në minutën e 51-të të takimit ka fituar votimin e tifozëve duke u shpallur “Goli i Javës” në MLS

Goli i shënuar nga Shkëlzen Gashi ndaj LA Galaxy nuk mjaftoi që Colorado Rapids të fitonin tre pikë në ndeshjen ndaj një prej skuadrave më të forta në MLS, por gjithsesi i ka siguruar lojtarit shqiptar një çmim individual, shkruan albinfo.ch.

Gjuajtja e tij e fuqishme në minutën e 51-të të takimit ka fituar votimin e tifozëve duke u shpallur “Goli i Javës” në MLS, ndërsa ka mundur emra të njohur në futbollin botëror të cilët tanimë luajnë në SHBA si David Villa apo Nikolas Lodeiro.

Gashi tashmë po luan si mesfushor organizator në radhët e Colorado Rapids, por nuk është çudi që nëse gjen me rregullsi rrugën e rrjetës, trajneri të vendosë ta kthejë përsëri në repartin e avancuar.

Ky ishte goli i katërt në kampionatin amerikan për sulmuesin kuqezi, i cili është në top formë dhe një sinjal i mirë për Gianni De Biasin që të llogaritë në të. Shqipëria më 5 shtator do të luajë ndaj Maqedonisë në Shkodër.

Duke klikuar këtë link, mund të shikoni golin e Gashit:

http://www.mlssoccer.com/post/2016/08/19/colorado-rapids-striker-shkelzen-gashis-rocket-wins-att-goal-week