Shaqiri mungon ndaj Portugalisë

Ylli i Zvicrës, Xherdan Shaqiri do të mungojë ndaj Portugalisë, derisa në këtë ndeshje do të mungojë edhe Cristiano Ronaldo

(KEYSTONE/Jean-Christophe Bott)

Xherdan Shaqiri ka shokuar Zvicrën. Ai nuk do të luajë ndaj Portugalisë, dhe me këtë rast nuk do të jetë as në listën e trajnerit Vladimir Petkoviq, shkruan albinfo.ch.

Sipas ‘Blick’, Shaqiri do të mungojë nga shkaku i dhimbjeve në këmbë, për të cilën arsye mungoi edhe në fundjavën e kaluar me Stoke Cityn.

Zviceranët nuk kanë pretenduar nëse kjo ka të bëjë me ndonjë vendim të tij për të zgjedhur Kosovën. Po ashtu, nuk dihet ende, nëse ai do të mund të zgjidhte vendlindjen e tij para Zvicrës gjatë muajit shtatorit.

Shaqiri do të mungojë ndaj Portugalisë, derisa edhe kampionët e Evropës do të luajnë pa futbollistin më të mirë në Evropë, Cristiano Ronaldo. Është konfirmuar se ylli portugez nuk do të aktivizohet fare në këtë ballafaqim.