Shtetas kosovarë e maqedonas kapen me 61 kg marihuanë!

jo që dihet është se droga e gjetur në valixhe dhe çanta ka një vlerë tregu prej më shumë se gjysmë milioni euro

Pesë meshkuj janë arrestuar nga policia speciale të mërkurën në Magdeburg. Ata dyshohen se kanë zhvilluar tregti të palejuar me drogë, në sasi të madhe, shkruan volkstimme.de. Policët kanë gjetur 61 kilogramë drogë të tipit marihuanë në makinën e tyre.

Hetimet zhvillohen ndaj një personi 33 vjeçar, të cilit autoritetet i kanë rënë në gjurmë me rastin e udhëheqjes së një procedure tjetër për tregti me drogë, transmeton albinfo.ch. Në kuadrin e hetimeve, rezultoi se një dërgesë e madhe droge ishte dedikuar për në Magedburg.

Me këtë rast janë kapur pesë meshkuj të moshave 21 deri 56 vjeçare. Ata janë nga Maqedonia, Kosova dhe Bullgaria.

Droga është gjetur në një makinë të tipit Fiat të cilën ata e kishin në dispozicion. Ende nuk dihet prejardhja e drogës. Por ajo që dihet është se droga e gjetur në valixhe dhe çanta ka një vlerë tregu prej më shumë se gjysmë milioni euro.