Dy gola nga Benjamin Kololli

Ai e hapi serinë e golave dhe e mbylli. Skuadra e tij pas kësaj fitore ndodhet në vendin e katërt me 11 pikë, dhjetë më pak se lideri Basel

Futbollisti kosovar, i cili ka nënshtetësi zvicerane, Benjamin Kololli ka shënuar dy gola për skuadrën e tij Lausanne në fitoren bindëse ndaj Vaduzit me rezultat 5:0, shkruan albinfo.ch.

Kololli ka realizuar në minutën e parë dhe në minutën e 92-të. Ai e hapi serinë e golave dhe e mbylli. Skuadra e tij pas kësaj fitore ndodhet në vendin e katërt me 11 pikë, dhjetë më pak se lideri Basel, që ka shënuar shtatë fitore në shtatë ndeshje të zhvilluara, duke dëshmuar se po dominon bindshëm në Superligën zvicerane.

Të dielën fitore shënoi Sioni ndaj Thunit me rezultat 1:0, kurse Saint Gallen është mundur në fushën e tij nga Lugano me rezultat 2:0.

Zurich që paraqitet në Ligën e Parë fitoi minimalisht ndaj Chiassos 1:0, kurse dy futbollistët e Kombëtares shqiptare, Armando Sadiku dhe Burim Kukeli janë inkuadruar në pjesën e dytë.