Kosova përcakton filmin për Oscar

Filmi "Home sweet Home" është realizuar nga Faton Bajraktari me skenar nga Zymber Kelmendi, ku luajnë aktorët e njohur, si Donat Qosja, Arta Muçaj e Shkumbin Istrefi

Kosova do të përfaqësohet në Oscar me filmin ‘Home Sweet Home’ në kategorinë e filmave si ‘Më i Mirë i Huaj’, shkruan albinfo.ch.

 

“Home Sweet Home” është prodhim i kompanisë filmike Cineproduction dhe Arnel Production me producent Trim Musliu dhe Senad Abduli, i mbështetur nga Qendra Kinematografike e Kosovës dhe nga Agjencia e Filmit në Maqedoni.

 

Ky film është realizuar nga Faton Bajraktari me skenar nga Zymber Kelmendit, ku luajnë aktorët e njohur, si Donat Qosja, Arta Muçaj e Shkumbin Istrefi.

 

Ky film kishte premierën ndërkombëtare këtë vit në festivalin prestigjioz Karlovy Vary.

 

Filmi tregon historinë e Agronit, i cili për disa vite ka qenë i zhdukur dhe pasi kthehet në shtëpi, ai përballet me rrethin, të cilët, emrin e tij e kanë përdorur për përfitime personale.

 

Ky është viti i tretë që Kosova propozon film si konsiderim për filmin më të mirë të huaj në ‘Oscar’.

 

Vitin e kaluar Kosova ka propozuar filmin “Babai” të Visar Morinës, ndërsa propozimi i parë ka qenë filmi “Tri Dritare dhe një Varje” nga Isa Qosja.

 

Për më shumë në këtë fillim vit, filmi i shkurtër “Shok” ka qenë i nominuar në kategorinë ‘Best Live Action Short Film’ në Akademinë Oscars duke shënuar kështu herën e parë që një film kosovar nominohet për ‘Oscar’.

 

---