Shkumbini shënon golin më të bukur në “Helvetia Cup” dhe nxjerr nga garat FC Thun-in

Me golin e Shkumbin Sulejmanit (Skumbim), ekipi nga “Promotion League (liga e tretë e Zvicrës) e nxjerr nga garat për kupë FC Thunin e njohur, skuadër e superligës së Zvicrës

Tifozët e kupës së futbollit “Helvetia Cup” kanë zgjedhur golin e Shkumbin Sulejmanit si golin më të mirë gjegjësisht e kanë shpërblyer me “Tor de Schweiz”.

Ky gol ka qenë jo vetëm jashtëzakonisht i rëndësishëm por edhe veçanërisht i bukur, shkruan blick.ch. Shkumbini (apo siç shkruan portali zviceran “Skumbimi”) e ka shënuar atë në minutën e 82-të me një goditje të madhërishme duke i sjellë skuafdrës së tij SC Kriens fitoren me rezultatin 2:1, transmeton albinfo.ch. Me këtë fitore, ekipi nga “Promotion League (liga e tretë e Zvicrës) e nxjerrin nga garat për kupë FC Thunin e njohur, skuadër e superligës së Zvicrës.

Përveç trofeut për golin më të bukur, Shkumbini fiton edhe dy bileta VIP për Kupën e Botës në kërcimet me ski që mbahet në dhjetor 2016 në Engelberg.