Abrashi titullar me Freiburgun

Për mesfushorin kuqezi, Amir Abrashin kjo ishte ndeshja e dytë si titullar në Bundesligë

Mesfushori i Kombëtares shqiptare, Amir Abrashi rikthehet në formacionin titullar, kurse Freiburgu rigjen fitoren në Bundesligë, shkruan albinfo.ch.

Në javën e katërt të kampionatit gjerman, skuadra e mesfushorit shqiptar mposhti në shtëpi 1:0 Hamburgun duke rikthyer buzëqeshjen pas disfatës 3:0 ndaj Kolnit të Mërgim Mavrajt fundjavën e shkuar.

Në përballjen e fundit që u vendos nga goli i Petersenit (70’), 26-vjeçari i Kombëtares kuqezi u hodh nga minuta e parë dhe u mbajt në lojë deri në fund të ndeshjes.

Për Abrashin kjo ishte ndeshja e dytë si titullar në Bundesligë, pas asaj të humbur 3:1 në Berlin përballë Hertas në javën e parë.