Rikthehet Xherdan Shaqiri

Shaqiri është paraqitur vetëm në javën e parë të Premierligës, derisa më pas pësoi një lëndim që e mbajti jashtë aksionit

Mesfushori kosovar, Xherdan Shaqiri më në fund pritet të rikthehet në fushat e gjelbra, pas një mungesë më shumë se një muaji, shkruan albinfo.ch.

Stoke City do të përballet me West Bromwich Albion dhe trajneri Mark Hughes do ta ketë në dispozicion yllin e madh shqiptar.

Ka qenë pikërisht skuadra e Stkoe Cityt që ka dhënë njoftimin nëpërmjet llogarisë së saj në ‘Twitter’, për rikthimin e Shaqirit. “Xherdan Shaqiri kthehet për ndeshjen e nesërme ndaj fqinjëve West Bromwich Albion”, thuhet në njoftimin e skuadrës angleze.

Edhe trajneri i Stoke Cityt, Mark Hughes në konferencën për shtyp ka deklaruar se 24-vjeçari do të jetë në dispozicion për ndeshjen kundër West Brom.

Shaqiri është paraqitur vetëm në javën e parë të Premierligës, derisa më pas pësoi një lëndim që e mbajti jashtë aksionit. Ai kishte realizuar golin e barazimit në duel me Middlesbrough, që është edhe pika e vetme e fituar e Stoke Cityt këtë edicion pas pesë ndeshjeve.