Gëzim Myshketa interpreton në Operën e Berlinit

Pas prezantimit në Operën Gjermane të Berlinit, gjatë muajve tetor dhe nëntor, ai do të vazhdojë sezonin e tij artistik në Shtutgard, ku do të luajë në operën “Faust”

Këtë fundjavë baritoni shqiptar do të interpretojë rolin e Escamilos në veprën Carmen të Georges Bizet, Operën Gjermane në Berlin

Të dielën, më 2 tetor, prej orës 18:00 ai do të intepretojë në Pallatin e Operës Gjermane në Berlin, artisti i skenës operistike, Myshketa, do të luajë rolin e Escamilos në veprën Carmen të Georges Bizet bazuar në libreton e shkruar nga Meilhac dhe Ludovic Halevy, përcjell albinfo.ch.

Baritoni i njohur shqiptar, Gëzim Myshketa, së fundi ishte paraqitur në koncertin humanitar për shenjtërimin e Nënës Terezë në Vatikan.

Siç njofton kultplus, pas prezantimit në Operën Gjermane të Berlinit, gjatë muajve tetor dhe nëntor, ai do të vazhdojë sezonin e tij artistik në Shtutgard, ku do të luajë në operën “Faust”, produksion i ri nga Frank Castorf, për të vazhduar me skenat e tjera operistike ndërkombëtare.