Dua Lipa në “duel” me Bebe Rexhën në ceremoninë e “MTV EMA Awards”

Lipa dhe Rexha janë nominuar në kategorinë e përbashkët për “Depërtimin më të mirë”, ndërsa Rexha është nominuar edhe në kategorinë për “Yllin më të mirë të ri”

Dy këngëtaret shqiptare me famë ndërkombëtare Dua Lipa dhe Bebe Rexha janë nominuar për çmime në ceremoninë e MTV EMA Awards që do të mbahet më 6 nëntor në Rotterdam të Holandës.

Lipa dhe Rexha janë nominuar në kategorinë e përbashkët për “Depërtimin më të mirë”, ndërsa Rexha është nominuar edhe në kategorinë për “Yllin më të mirë të ri”.

Për sa i përket “duelit” të dy artisteve duhet thënë se, të paktën në youtube, Bebe Rexha në të gjitha këngët e saj ka një avantazh në klikime kundrejt Dua Lipës.

Nga ana tjetër janë Beyonce dhe Justin Bieber që prijnë me nominime për çmime, ndërsa të nominuar po ashtu janë edhe emra të tjerë të njohur në botë si: Adele, Rihanna, Darke, Selena Gomez, David Guetta e të tjerë.

Për të votuar Dua Lipën klikoni këtu, ndërsa për Bebe Rexhën mund të votoni këtu.

Albinfo.ch sjell edhe dy kategoritë ku janë të nominuar dy këngëtaret shqiptare.

Ylli i ri më i mirë
Bebe Rexha
DNCE
Lukas Graham
The Chainsmokers

Depërtimi më i mirë
Alessia Cara
Anne-Marie
Bebe Rexha
Blossoms
Charlie Puth
DNCE
Dua Lipa
Elle King
Halsey
Jack Garratt
Jonas Blue
Lukas Graham