Shaqiri, afër Romës

Mediat angleze bëjnë të ditur se oferta e skuadrës italiane është shumë serioze dhe ylli i Zvicrës mund t’i bashkohet kryeqytetasve italianë gjatë janarit

Mediat angleze kanë bërë të ditur se Xherdan Shaqiri shumë lehtë mund t’i bashkohet Romës, gjatë afatit kalimtar të janarit. Ato janë të bindura se ai do të pranojë ofertën e skuadrës romane, shkruan albinfo.ch.

Ditë më parë edhe mediat italiane shkruan se Roma e dëshiron në janar, pasi njëri nga futbollistët kryesor, Mohamed Salah do të jetë i angazhuar në Kupën e Kombeve të Afrikës.

Për këtë arsye, Roma e dëshiron si huazim në janar, me opsion të blerjes gjatë verës. Shaqiri kishte qenë gjashtë muaj në Serie A, por pa lënë shumë gjurmë me Interin.

Edhe Erdin Shaqiri, vëllai dhe menaxheri i tij, ditë më parë bëri të ditur se Xherdani mund t’i bashkohet Romës.