Baseli i pakonkurrencë në Zvicër

Kampioni i Zvicrës, Baseli ka fituar me rezultatin 0:2 në takimin e vlefshëm për javën e 13-te të Superligës zvicerane përballë Grasshoppersit, shkruan albinfo.ch.

(KEYSTONE/Walter Bieri)

Mesfushori i Kombëtares shqiptare, Taulant Xhaka, si zakonisht u aktivizua titullar në qendër të mesfushës dhe luajti gjatë gjithë takimit.

Baseli fitoi në udhëtim, derisa me këtë fitore ngjitet në kuotën e 35 pikëve duke ruajtur në krye të tabelës një diferencë prej 12 pikësh me ndjekësin më të afërt, Sionin.

Kështu skuadra e Baselit po vazhdon të dominojë në Zvicër, ku nuk ka konkurrencë, derisa luan edhe në Ligën e Kampionëve.

Skuadra ku luan Taulant Xhaka, e nga ku dolën edhe Granit Xhaka e Xherdan Shaqiri pritet që të fitojë titullin edhe këtë sezon.