Humbja e radhës e Kosovës, 0:2 nga Turqia

Ndonëse në pjesën e parë të ndeshjes u mbajtën mirë, sidomos falë mbrojtjes shembullore të portierit, Ujkani, futbollistët e Kosovës nuk mundën të përballojnë në pjesën e dytë ekipin turk me shumë më tepër përvojë

Kosova humbi me rezultatin 0:2 nga Turqia, duke pësuar kështu humbjen e tretë me radhë në kualifikimet për Kampionatin Botëror të Futbollit që zhvillohet në vitin 2018 në Rusi.

Ndonëse në pjesën e parë të ndeshjes u mbajtën mirë, sidomos falë mbrojtjes shembullore të portierit, Ujkani, futbollistët e Kosovës nuk mundën të përballojnë në pjesën e dytë ekipin turk me shumë më tepër përvojë.

Të dy golat, Turqia i shënoi në një interval të shkurtë kohor, gjegjësisht në minutën 51 dhe në atë 55 (Yilmaz dhe Sen).

Rastin më të mirë për Kosovën e pati Valon Berisha, i cili në minutën e 45-të qëlloi shtyllën me një goditje nga afërsia.

Në minutën e 60-të Rrahmani pati një shans për të shënuar me kokë, por portieri turk ishte në lartësinë e detyrës. Ndërsa goli i shënuar në minutën 80 u anulua pasi që Berisha, i cili ia kishte pasuar topin Muriqit kishte qenë në pozicion jashtë loje.

Kosova mbetet në vendin e fundit në Grupin I me vetëm një pikë ndërsa Turqia tash ka grumbulluar pesë pikë.