Edhe Manchester United e kërkon Hysajn

Për Hysajn përveç Manchester United në muajt e fundit është interesuar dhe një tjetër gjigant i futbollit evropian, Bayern Munchen

Elseid Hysaj

Elseid Hysaj është mbrojtësi më i mirë shqiptar, derisa tashmë është kthyer në një margaritar për skuadrën e njohur italiane, Napoli, duke vlejtur plot 30 milionë euro, shkruan albinfo.ch.

E përditshmja italiane “Il Mattino”, bën të ditur se një prej skuadrave më të mëdha në botë, Manchester United është i gatshëm të paguajë 30 milionë euro për Elseid Hysaj dhe ta transferojë që në janar, një shifër e konsiderueshme kjo që do ta bënte atë futbollistin më të shtrenjtë të gjithë historisë së Kombëtares shqiptare.

Megjithatë, akoma nuk ka një ofertë zyrtare, por edhe në rast se kjo do të ndodhte vështirë se drejtuesit e Napolit do të lëshonin lojtarin shqiptar, i cili rinovoi me klubin deri në vitin 2021 vetëm pak kohë më parë.

Për Hysajn përveç Manchester United në muajt e fundit është interesuar dhe një tjetër gjigant i futbollit evropian, Bayern Munchen, e megjithatë te Napoli janë të vendosur për t’ju rezistuar ofertave, të paktën për afatin kalimtar të janarit.