Wenger lavdëron Xhakën

Arsene Wenger ka thënë se mesfushori shqiptar, Granit Xhaka është adaptuar shumë shpejt në skuadrën londineze

Trajneri i Arsenalit, Arsene Wenger është shprehur shumë i lumtur që Granit Xhaka është përshtatur shumë në skuadrën e re dhe gjithmonë angazhohet maksimalisht, shkruan albinfo.ch.

“Jam i lumtur me angazhimin e tij”, ka thënë Wenger.

“Mendoj se është duke u zhvilluar mirë. Ndoshta nuk ka filluar në shumë ndeshje të këtij sezoni, por po adaptohet në një ligë ndryshe, me një stil ndryshe të lojës. Në përgjithësi jam i lumtur sepse çdo ditë punon shumë dhe jam i bindur se do të luajë më shpesh”, është shprehur trajneri francez.

Granit Xhaka u transferua në Arsenal për 45 milionë euro, duke qenë njëri nga transferimet më të shtrenjta të verës.