Hapet ekspozita kushtuar dëshmorëve nga diaspora

Ekspozita ‘’Ti je pjesë e atdheut’’ para publikut Shqiptaro – Zviceran do të sjellë fytyrat e dëshmorëve nga Zvicra, të cilët me veprën e tyre u bënë të pavdekshëm në historinë më të re të Kosovës duke iu përgjigjur thirrjes së atdheut

Qendra Kulturore e Kosovës për Diasporë dhe Mërgatë me seli në Cyrih fton qytetarët/bashkatdhetarët Shqiptaro – Zviceran të marrin pjesë në: EKSPOZITËN ‘’TI JE PJESË E ATDHEUT’’ e cila  do të mbahet në Qendrën Kulturore të Kosovës për Diasporë e Mërgatë në Cyrih/Zvicër, Eugen Huberstrase në Altstetten me dt.11.12.2016, ora 19:00.

Ekspozita ‘’Ti je pjesë e atdheut’’para publikut shqiptaro – zviceran do të sjellë fytyrat e dëshmorëve nga Zvicra, të cilët me veprën e tyre u bënë të pavdekshëm në historinë më të re të Kosovës duke iu përgjigjur thirrjes së atdheut.

Për të nderuar veprën e tyre heroike, në Qendrën Kulturore të Kosovës në Cyrih/Zvicër, ju mirëpret Ministri i Diasporës Z. Valon Murati.

Pjesëmarrja juaj në këtë ekspozitë, nderon veprën e atyre që dhanë më të shtrenjtën e tyre, Jetën që, ne sot të festojmë në liri dhe t’i kujtojmë me lavdi dëshmorët e lirisë dhe Pavarësisë së Kosovës”, thuhet në njoftimin e dërguar nga Shukrije Ramadani, Drejtore e Qendrës Kulturore të Kosovës për Diasporë e Mërgatë Cyrih/Zvicër.