Kapen dy shqiptarë me dokumente false italiane

Pas një kontrolli më të detajuar u konstatua se bëhej fjalë për dokumente të vjedhura, në të cilat pastaj ishin zhvendosur fotografitë

Vazhdimisht ka njerëz të cilët provojnë që me dokumente të falsifikuara, të manipuluara dhe madje edhe të vjedhura të kalojnë nga ishujt Kanare në shtetet e Bashkimit Evropian.

Siç bën të ditur Policia Nacioanale në Lanzarote, në aeroportin e këtij qyteti janë kapur dy shqiptarë të rinj të cilët kishin provuar që me letra identiteti italiane të manipuluara dhe të vjedhura të fluturojnë për në Irlandë. Pasi që punëtorët e kompanisë ajrore dyshuan në vërtetësinë e dokumenteve ata njoftuan policinë, shkruan kanarenmarkt.de.

Pas një kontrolli më të detajuar u konstatua se bëhej fjalë për dokumente të vjedhura, në të cilat pastaj ishin zhvendosur fotografitë. Dy shqiptarëve  25 dhe 32 vjeçarë iu vunë prangat qysh në aeroport, transmeton albinfo.ch. Pak pas kësaj, duke kontrolluar bagazhin, policët gjetën pasaportat e tyre të rregullt shqiptarë.