‘Uragani’ shqiptar do të ndeshet në Luzern

Boksieri shqiptar tani jeton në Luzern dhe pritet të ketë përkrahjen e madhe edhe nga shqiptarët, të cilët gjithmonë i kanë dhënë përkrahje të madhe deri më tani

Njëri nga boksierët më të mirë shqiptarë, Tefik Bajrami, i njohur ndryshe si ‘Uragani’ shqiptar, ka paralajmëruar se përballjen e ardhshme do ta ketë më 1 prill në Luzern të Zvicrës, raporton albinfo.ch.

Vetë boksieri shqiptar ka njoftuar për përballjen e ardhshme. “Miq të respektuar: unë do të kem ndeshjen e ardhshme për kampion të botës për versionin WBU me datën 1 prill në qytetin Luzern të Zvicrës. Jam duke pritur konfirmimin nga federata për kundërshtarin tim, i cili do të jetë ndër top 50 më të mirë në botë në kategorinë deri 91 kg-Cruizer”, ka shkruar Bajrami në “Facebook”.

Boksieri shqiptar tani jeton në Luzern dhe pritet të ketë përkrahjen e madhe edhe nga shqiptarët, të cilët gjithmonë i kanë dhënë përkrahje të madhe deri më tani.