Bien rezervat e Bankës Nacionale të Zvicrës

Rezervat valutore të Bankës Nacionale të Zvicrës (SNB) kanë vazhduar rënien edhe në janar. Në fund të muajit raportohet për 643.7 miliardë franga rezerva të SNB-së. Kjo paraqet një rënie në krahasim me muajin dhjetor prej rreth 1.6 miliardë frangash zvicerane.

Në dhjetor rezervat valutore kanë shënuar rënie të lehtë prej 2.5 miliardë, në 645.3 miliardë franga, siç është bërë e ditur nga shifrat e SNB-së. Të dhënat janë përpiluar në pajtim me të ashtuquajturin standard për shpërndarjen e të dhënave ekonomike dhe financiare nga Fondi Monetar Ndërkombëtar (FMN).

Të dy rëniet e vogla në dhjetor dhe janar vijnë pas një rritjeje të fortë të më shumë se 17 miliardë frangave në muajin nëntor. Nëse SNB ka ndërhyrë në tregun valuator, nuk është bërë e ditur nga statistikat e publikuara.

Shpesh vlera e monedhave kryesore të huaja kundrejt frangut zviceran është një arsye e madhe për këto ndryshime.

Kështu, kursi i këmbimit të euros kundrejt frangut ra nga 1.0737 në fund të dhjetorit në 1.0654 në fund të janarit. Dollari është këmbyer me frangun në fund të janarit për 0, 9954 CHF, ndërsa në dhjetor ishte 1,0160 CHF.