Zvicra ndalon tregtinë me naftë nga Siria

Me këtë vendim Zvicra i bashkohet Bashkimit Evropian i cili këto masa kundër Sirisë i ka marrë në fillim të muajit shtator

Qeveria zvicerane, duke marrë një hap drejt ashpërsimit të embargos ndaj Sirisë, ka vendosur që të ndalojë importimin e naftës nga ky vend. Për ta marrë këtë hap atë e ka shtyrë dhuna e vazhdueshme që regjimi sirian po e ushtron mbi popullatën e vet.

Në bazë të këtij vendimi, duke filluar nga e shtuna (nesër) është e ndaluar sjellja në Zvicër, blerja ose transportimi i prodhimeve siriane të naftës. Po kështu, ndalohet edhe sigurimi ose financimi i bizneseve me produkte të naftës nga ky vend, njofton drs.ch.

Me këtë vendim Zvicra i bashkohet Bashkimit Evropian i cili këto masa kundër Sirisë i ka marrë në fillim të muajit shtator.