Shkarkohet ambasadori çek për sharjet e të shoqes

Sipas arsyetimit për shkarkim, ambasadori është i obliguar për të përfaqësuar me nder vendin e tij dhe në këtë detyrim përfshihet edhe bashkëshortja e ambasadorit.

Ambasadori i Çekisë në Zvicër, Karel Boruvka  e ka humbur vendin e punës për një arsye të pazakonshme: për shkak të gruas! Në fakt shkas kanë qenë sharjet dhe fyerjet me të cilat gruaja e tij përmes tweeterit ka sulmuar ministrin e jashtëm çek, ose shefit të burrit të saj, Lubomir Zaoralek , shkruan sda.ch“Të urrej! Ti i fryrë, i  mjerë, ti zero!”, kanë qenë “epitetet” që ka përdorur ajo.

Për pasojë, presidenti i vendit. Milosh Zeman e ka shkarkuar atë nga detyra, transmeton albinfo.ch. Sipas arsyetimit për shkarkim, ambasadori është i obliguar për të përfaqësuar me nder vendin e tij dhe në këtë detyrim përfshihet edhe bashkëshortja e ambasadorit.

Lajmin e kanë konfirmuar edhe në Ministrinë e punëve të jashtme të Zvicrës, ashtu si dhe në Miniistrinë  çeke të punëve të jashtme.