Xhaka dhe Shaqiri, të vetmit të nominuar nga Zvicra për “Golden Boy”

Dy shqiptarët janë të vetmit lojtarë të Zvicrës të nominuar për këtë titull të cilin më parë e kishin mbajtur yjet si Messi, Fabregas etj.

Edhe një risi për yllin e ri të FC Baselit, Granit Xhaka. Ai së bashku me Xherdan Shaqirin, është i vetmi futbollist i Zvicrës i nominuar për titullin “Golden Boy”. 30 gazetarë të gazetave kryesore sportive të botës, zgjedhin, për të nëntën herë, nga 40 kandidatë të ndryshëm lojtarin aktualisht më të mirë U21 të botës.

Vitin e kaluar titullin “Golden Boy” e kishte fituar ylli i ManCitu Mario Balotelli. Në mesin e fituesve në vitet e kaluara kanë qenë edhe yjet e sotëm të mëdhenj si Messi, Rooney, Va nder Vaart ose Fabregas.

Gjatë fundjavës së kaluar, talenti i ri i FC Baselit dhe kombëtares së Zvicrës, Granit Xhaka kishte rënë në sy të gazetarëve me rregullimin e ri dhe ngjyrën e re të flokëve të tij. Por vetëm një ditë më vonë, në ndeshjen e radhës në Bazel kundër GC, Graniti ishte shfaqur sërish me ngjyrën natyrore të flokëve.

I pyetur nga blick.ch, Xhaka është shprehur se nuk ka mundur të përballojë gjatë që të jetë në qendër të vëmendjes. Kjo është arsyeja që e ndryshova shumë shpejt “frizurën”.

Por, atij do t`i duhet të jetë në qendër të vëmendjes nesër në ndeshjen kundër Benfica-s, për Ligën e Kampionëve, në Lisabon. “Nuk kemi frikë. Ne duam që edhe atje të fitojmë pikë. Nuk kemi presion dhe duam të zhvillojmë lojë agresive”, ka thënë Xhaka.