Punëdhënësit në ndërtimtari përjashtojnë Unia-n nga negociatat

Aksionet e protestës të organizuara nga Unia javën e kaluar në Cyrih, Gjenevë, Bernë e Lozanë, kanë shërbyer si shkas për këtë

Federata e punëdhënësve të ndërtimtarisë është shprehur kundër vazhdimit të dialogut me sindikatën Unia rreth marrëveshjes kolektive të punës. Ajo konsideron se Unia e ka shkelur “paqen” e negociuar dhe prandaj federata e përmendur ka vendosur të bëjë padi kundër saj.

Aksionet e protestës të organizuara nga Unia javën e kaluar në Cyrih, Gjenevë, Bernë e Lozanë kanë shërbyer si shkas për këtë. Thirrja e Unia-s për protestë, kishte paralizuar një numër të madh kantieresh të ndërtimit në Zvicër. me këtë veprim, Unia, sipas punëdhënësve të ndërtimtarisë, ka vepruar kundër ligjit. Së këndejmi, federata e punëdhënësve tash e tutje “do të bashkëpunojë vetëm me sindikatat që respektojnë paqen e punës”.

Nga ana tjetër Unia, e ka dënuar qëndrimin e federatës në fjalë për të ndërprerë negociatat për marrëveshjen kolektive. Kjo paraqet një bishtnim të pakuptueshëm të punëdhënësve, sipas Unia-s. federata e punëdhënësve në ndërtimtari po provon që, përmes përjashtimit selektiv të Unia-s, të sabotojë marrëveshjen kolektive. Unia përfaqëson 40.000 punëtorë të ndërtimtarisë , rreth tri herë më shumë se sindikata tjetër, Syna. Mbetet e paqartë se si mendojnë punëdhënësit të realizojnë marrëveshjen e re kolektive pa Unia-n, sipas kësaj sindikate, mbetet e paqartë.

Sindikatat kishin kërkuar një ngritje prej mesatarisht 100 frangash në muaj për të gjithë punëtorët, që korrespondon me rritjen e pagave për 1.8%.