“Ditët e Diasporës” edhe në Ferizaj

“Ditët e Diasporës”, po mbahen nën patronatin e kryetarit të komunës së Ferizajt, Muharrem Svarqa. Ato vazhdojnë deri më 3 gusht, me ç’rast do të ketë aktivitete të shumta por edhe takime me kreun e komunës

Ashtu si në shumë qytete të Kosovës, edhe në Ferizaj po organizohen shumë aktivitete për nder të diasporës shqiptare, raporton albinfo.ch.

Hapjen zyrtare të këtyre ditëve e bëri kryetari i komunës së Ferizajt, Muharrem Svarqa, i cili theksoi se këto ditë janë tepër të veçanta për bashkatdhetarët tanë që jetojnë në vende të ndryshme të botës.

Ai ka shtuar se bashkatdhetarët duhet të ndjehen sa më mirë në vendlindjen e tyre.

“Ditët e Diasporës”, po mbahen nën patronatin e kryetarit të komunës së Ferizajt, Muharrem Svarqa, ndërkaq do të mbahen deri më 3 gusht, me ç’rast do të ketë aktivitete të shumta kulturore, artistike, por edhe takime me vet kreun e komunës.